Ես տանը ունեմ նապաստակ և երկու  խամյակ: Ես շատ եմ սիրում կենդանիներին, դրա համար, երբ մտա գրախանութ, առաջին գիրքը, որ ընկավ աչքիս, դա կենդանիների ձագերի մասին գիրքն էր:

Այն կարդալով հետաքրքիր նորություններ իմացա կենդանիների մասին, որոնցից մի քանիսը ուզում եմ կիսել ձեզ հետ:

Դուք գիտեիք, որ

• ·        երբ կենգուրուի ձագը վախենում է, գլխիվայր ցատկում է մոր պարկից,

• ·        ծիծաղելի փաստ. Թալքիթնայում (Ալյասկա)  վերջին տասնյոթ տարում  Ստաբս անունով մի կատվի քաղաքապետ են ընտրել,

• ·        վերջին 500 տարիների ընթացքում մարդու պատճառով կենդանիների 322 տեսակ է անհետացել,

• ·        կապույտ կետերն արձակում եմ ամենաբարձր ձայներն աշխարհում: նրա ձայները կարող ես լսել 800 կմ հեռավորությունից, չնայած հայրիկս այդպես էլ չհավատաց, որ դա կարող է իրական լինել,

• ·        բվերը զույգ են կազմում միայն մեկ անգամ և ամբողջ կյանքի համար:
  

Սրանից առաջ գիտեի, որ նապաստակները կրծող են համարվում, բայց գրքում կարդացի, որ երկարականջ գազանիկներին առանձնացնում են, որպես ինքնուրույն կարգ՝ նապաստականմաններ:

Գրքում բազմաթիվ տեղեկություններ կային, որոնցից ներկայացրի միայն մի քանիսը:

Նաև գնեցի Լաբիրինթոսների կալվածքը գիրքը, որում պետք է ինքդ կերտես քո արկածը և գտնես խորամանկ գողին:

Այս տարի հատուկ ցանկություն է առաջացել մեջս գրքերի ընթերցանության հանդեպ: