Ամառային
արձակուրդներ
Այս ամառն անմոռանալի և հետաքրքիր
անցավ:
Ամառային արձակուրդներս սկսվեց ծնողներիս հետ Գերմանիա գնալով: Մեկ շաբաթ էր, բայց հետաքրքիր ժամանակ անցկացրի այնտեղ: Ծանոթացա շատ երեխաների հետ, նրանք խոսում էին տարբեր լեզուներով: Ես դժվարությամբ էի հաղորդակցվում նրանց հետ, քանի անգլերեն լավ չեմ խոսում, բայց մի կերպ գլուխ էի հանում: Այնտեղ քաղաքները շատ մաքուր էին, ոչ մի տեղ գետնին աղբ չէիր տեսնի: Միակ տհաճ բան,ը որ այնտեղ տեսա, այն էր, որ շատ կանայք փողոցում կանգնած ծխում էին:
Ամռանը Հանքավանում երեք շաբաթ մասնակցել եմ ստացիոնար ճամբարի: Մեկ շաբաթ որպես
մասնակից, իսկ երկու շաբաթ՝ որպես օգանական:
Վերադառնալուց հետո ծնողներիս
հետ գնացի Ստեփանավան: Մասնակցեցինք խարույկահանդեսի
և գիշերեցինք վրանում: Առաջին անգամ էի քնում վրանում: Անհանգիստ էի, քանի որ վախենում
էի միջատներից:
Ամռանը եղել եմ նաև Տավուշի մարզի
սահմանամերձ գյուղերից մեկում՝ Կողբում:
Այնտեղ իրականացավ իմ երազանքը: Ինձ այնտեղ
նապաստակ նվիրեցին: Այն քսան օրական ձագուկ էր: Նրան պահեցի մեկ ամիս, բավականին մեծացավ:
Այլևս հնարավոր չէր տանը պահել: Այդ պատճառով տարա մեկ այլ գյուղ և բաց թողեցի այլ
նապաստակների հետ:
Մի քանի ամիս առաջ արդեն որոշել
էինք, որ տեղափոխվելու եմ այս դպրոց: Ճիշտ է մի քիչ անհանգիստ էի, քանի որ գիտեի, որ
այստեղի ուսուցման մեթոդները տարբերվում են սովորական դպրոցներից, բայց միևնույն է,
գնալով ավելի էի համոզվում, որ հենց այս դպրոց եմ գալու: Ամառվա վերջում մասնակցեցի
Մխիթար Սեբաստացի կրթահամալիրի մուտքի
ճամբարին: Ծանոթացա ուսման ձևին, ծանոթացա մի քանի աշակերտների հետ և ավելի լավ պատկերացրի,
թե ինչպիսին է այստեղ սովորելու ձևը:
Ինչպես բոլոր ամառները, աշակերտների
համար շատ արագ է անցնում: Այս ամառ էլ բացառություն չէր: Բայց ուրախ եմ, որ արդեն
սկսվել է ուսումնական նոր տարին: Ճիշտ է ամառս հետաքրքիր անցավ, բայց ձանձրալի օրեր
էլ էի ունենում: Այնպես որ լավ է, որ արդեն դասերը սկսեցին:
Comments
Post a Comment